Fermentabox

Gailu hau, LABen kontzeptualizatua, diseinatua eta garatua Tecnaliarekin batera, gaur egun merkatura transferitzeko fasean dago.

Gastronomia munduko eta goi gastronomiako azken joerek hesteetako flora aberasten eta orekatzen duten elikagaiak eskaintzea erakutsi behar dute. Hartziduraren milaka urteko teknikaren ezagutzak eta onurak transmititzeko asmoz, Fermentabox sortu zen, jatetxe eta etxeetan hartzitutako elikagaiak modu profesional eta seguruan lantzeko aukera ematen duen gailua.

Tresna oso bat

Hartzidurek baldintza klimatiko oso espezifikoak behar dituzte, eta zaila da horiek lortzea sukalde normal baten ekipamenduarekin; izan ere, prozesu hori oxigenorik ez dagoenean eta substantzia organiko bat kanpoko mikroorganismo batek sustatutako substantzia sinpleago bat bihurtzen denean bakarrik gertatzen da.

Atmosfera guztiz monitorizatu honetan, Fermentaboxek aplikazio mugikor baten bidez makinarekin lotutako parametro guztiak kontrolatzeko (tenperatura, oxigenoa, hezetasuna, denbora, pH-a, airearen kalitatea eta gasak) aukera ematen du. Beste zerbitzu batzuk ere baditu, hala nola historikoen bistaratzea eta soja-saltsa, misoa edo kojia egiteko errezetak. Horrela, hartzidurak beste erabiltzaile batzuekin partekatzeko eta deskargatzeko online komunitate bihurtzen da.

Konponbide teknologiko honek hartzidurak dakartzan sukaldaritza-aukera guztiei ateak irekitzen dizkie, prozesuaren konplexutasuna murriztuz eta estandarizazioa ahalbidetuz. Izan ere, gure Digital Gastronomy Talks-en lehen edizioan, Blanca del Novalek, hartziduretan eta basa-landareetan espezializatutako BCC Innovationeko ikertzaileak, milaka urteko teknika horren prozesuak digitalizatzearen abantailetako bat gastronomia elaborazio berrietarako eta lehengaien birbalorizaziorako eraldatzeko ahalmena duela kontatu zigun.

Fermentabox MITeko Media Labek asmatutako Personal Food Computer proiektuaren egokitzapena da, Open Agriculture ekimenaren barruan. Hau da, hainbat klima erreproduzitzeko, ekosistema robotikoa da. BCC Innovationek, Basque Culinary Centerreko Zentro Teknologikoa, Tecnaliak eta LABe Digital Gastronomy Labek garage gin dute. Gure transformazio digitaleko laborategiak kontzeptualizazioaz, gailuaren zehaztapenez eta merkatua baliozkotzeko estrategiaz arduratu gara, eta emaitza positiboak lortu ditugu.