Elikagaien trazabilitatea LABeren Mahai Teknologikoan

QR kode baten bidez, martxoaren 10, 17, 24 eta 31n eta apirilaren 7, 14, 21 eta 28an, LABe Restaurant-en zure plateraren ibilbide osoa ezagutu dezakezu

Eye Tracker, Mahai Teknologikoan otsaileko ostegunetan aktibatutako lehen tresna digitaleko mahaikideen erantzun positiboaren ondoren, testatuko dugun bigarren teknologia Cattlechain Europako proiektuaren barnean dagoen trazabilitate da eta abeltzainen eta kontsumitzaileen arteko eten digitala ezabatzea du helburu. LABe Digital Gastronomy Lab-en animalien trazabilitateari buruzko QR kode batzuk probatzen lagundu dugu, eta martxoaren 10etik, ostegun bazkalorduan, Tabakalerako 5. solairuko LABe Restaurant-en erreserbatuz, ingurune digital honetan proposamen berritzaile hau ezagutu dezakezu.

Testuinguru horretan, kontsumitzaileok trazabilitatea, animalien ongizatea eta nekazaritza-jardueren iraunkortasuna bermatzen dituzten produktuak bultzatzen ditugu. Merkatuan abeltzainari bere ustiapena azkar eta erraz kontrolatzen lagunduko zion konponbiderik ez zegoela ikusita, Digitanimal enpresak sortu zuen teknologia. Espainiako startup hau ganadua monitorizatzeko sistemen garapenean espezializatuta dago, eta LABen esperimentu hori aktibatzen ari gara. Tresna hori “Nekazaritzatik Mahaira” doan Europako Itun Berdearen eta Cattlechain proiektuaren barruan kokatzen da. Gainera, Europako Batzordeak finantzatzen du, abeltzainen sektorea digitalki eraldatzeko helburuarekin.

LABe Restaurant-en BCC Innovation-en Sentsorial arloko irizpideekin egindako azterlan kualitatibo honen garapena, nagusiki, jankideek animaliaren trazabilitatea erakusten denean haragiarekiko duten erantzuna eta jarrera alderatzen ote den oinarritzen da. Beste modu batean esanda, animaliaren kate osoa ezagutzen denean, jaiotzatik mahairaino. Bazkaria amaitzean, esperientziaren feedback-a eskatuko dugu ikerketari buruzko informazioa lortzeko.

Hain zuzen ere, gure Digital Gastronomy Talks-en aurreko edizio batean, Blockchain teknologiak trazabilitatearen etorkizuna definitzen ari diren moduari buruz hitz egin zen jardunaldian, Digitanimaleko Carlos Callejerok horrelako teknologiek ganadu estentsiboko animaliak nola hazten diren gehiago jakiten laguntzen digutela aztertu zuen, haiek kontrolatzeko beharra dagoelako, produktibitatea optimizatuz eta bilaketa-denborak, galerak edo gaixotasunak ere murriztuz. Elikagaien balio-kateen eta IoT gailuen (Gauzen Internet) eta Adimen Artifizialaren erregistroa digitalizatuz, animalien anomaliak goiz antzeman eta jakinarazi dakizkieke abeltzainei.

Animaliaren gardentasun eta trazabilitate hori geolokalizazioko lepoko batzuekin lortzen da. Lepoko horiek animaliaren jarduera, azaleko temperatura eta geoposizionamenduko koordenatuak jasotzen dituzte. Aplikazioan bero-mapa batzuk sortzen dira, animalien bizitza osoko ibilbidea erakusten dutenak. Bildutako datu horiei guztiei esker, eta taldean mugitzen diren animalia horien berezko izaeragatik, taldeak karakterizatu daitezke, animalien ongizatearen eta osasunaren adierazle argi bihurtuta.

Esperientzia interaktibo berri hau martxoaren 10ean, 17an, 24an eta 31n eta apirilaren 7an, 14an, 21ean eta 28an egongo da eskuragarri. LABe Restaurant-etik erreserbatu ahal izango duzu, egutegian etorri nahi zaren osteguna aukeratuz eta aukeraketetan “Mahai Teknologikoa” hautatuz.